Merkezê Xeberan- Semînerê Dr.Ekrem Önenî roja 22.12.2019 de Teşkîlatê PAKî yê Amedî de bi hawayêko serkewte organîze bi. Beşdarîya semînerî hewl bî. Gelek sîyasetmedarî û ronşvîrê Kurdan eleqeyêko weş nîşanê semînerî da û beşdar bîyî.
Endamê Komîteya Rayverîye ya Merkezî ya PAKî Henîfî Turanî Moderatorîya semînerî kerd.
Beşa yewine ya semînerî de Dr.Ekrem Önenî 75 deqa destpêkê serranê 1800î ra hetanî ewro, derheqê sîyasetê Rûsya yê derheqê Kurdistanî de, derheqê têkilîya Rûsan û Kurdan de malumatê balkêşî û hîrayî dayî.
Beşa diyîne ya semînerî de zî beşdarê semînerî persê xo kerdî, fikrê xo îzeh kerdì.
Seminer bi cewabdayîşê Dr.Ekrem Önenî yê persê beşdaran qedîya.
Beşdarê semînerî seba organizekerdişê nê semînerî Dr.Ekrem Önen û PAKî rê sipas kerd.