Merkezê Xeberan- Rayvero Kurd Şêx Seîd 94 serrî verê cû bi 46 hevalanê xo amebi îdankerdiş. Cayê mezelê ey û hevalanê ey hîna zî nêno zanayîş.
Seba ke wa mezelê ey û hevalanê ey ca bibo hetê rêxistinanê Sîvîlan (STK) ra 3 heb komîsyonî amey ronayîş.
Konela Şêx Seîdî 16 STKyan reyde kombîyayîşêk kerd û seba ke wa mezelê Şêx Seîdî û yê 46 hevalanê ey bêrê cakerdiş mişewre kerd.
Mişewreyî ra dima qerar ame dayîş ke, wa 3 komîsyonî bêrê ronayîş û seba cakerdişê cayê mezelan nê komîsyonî xebate bikî.
Tornanê Şêx Seîdî ra Mehmet Kasim Firatî derheqê na xebate de va “No talebe ma şexsî nîyo, no talebê şarê ma yo. Şêx Seîd û hevalê ey bê huquqî ameyê qetl kerdene. Ma seba cakerdişê cayê mezelanê ey 3 komîsyonî nayê ro. Nê komîsyonî do her ca de seba na mesela xebate biko.