Semedê 15ê Gulane Roja ziwanê Kurdkî Wan de hetê DÎSA-DERî ra qasê hewteyêk o çalakîyê cîya-cîya yenê organîzekerdene.
Gorê programî ra mabênê 11-15ê Gulane de xeylê panel û aktîvîteyî amê tertîpkerdene û 15ê Gulane de zî verê bînaya DÎSA-DER ra beyanatêk dîya çapemenî. Semedo ke polîsan destur nêda wa beyanat teber de bêro dayene, endamê DÎSA-DERî bi mecburî zereyê bînaya xo de beyanat bidê.
Sereka DÎSA-DERî Evîn Adîle beyanat wend û va “ Ma semedê Roşanê Ziwanê Kurdkî no hewte xeylê programî hadre kerdî. La tayn programê ma hetê Walîtîyê Wanî ra amê qedexekerdiş. 100 serrîyo ke ziwanê ma qedexe yo. Ma no muameleyo ke ziwanê ma rê beno şermezar kenê û dewlete ra wazenê wa destê xo ziwanê Kurdkî ra bianco û ziwanê Kurdkî rê êdî neheqî nêkero. “
Nuştox Samî Hezilo ke seba dayîşê panelî ame merkezê DÎSA-DERî zî wina vano “Gere ziwanê ma de cigêrarîş bêro kerdene û heme zaravayî bêrê musayene.
Tîyatroya Mencel zî şan de wesîleya Roşanê Ziwanê Kurdkî ra kayo ke behsê asîmîlasyonî kerdêne nîşan da.
KIRDKÎ ( ZAZAKÎ) Haberleri
Partîya Welatparêzanê Kurdîstanî (PWK) Amed de Roja Ziwanê Dayîke Pîroz Kerde
PWK: Aşma Remazanî heme misilmananê Kurdistanî û dinya rê pîroz bo
PCS, PDK-BAKUR, PÊLKURD, PSK, PWK û Şexsîyetê Xoserî: Hereketa Netewî ya 1925î, beyanê îradeyê netewê Kurd a
Amed de, Meydanê Şêx Seîdî de Yadkerdişê Hereketê Mîllî yê 1925î
Mustafa Ozçelîk: Ma dersa weçînayeyî ya Kurdkî; seba musayîş, fermîbîyayîş û perwerdeyê bi ziwanê Kurdkî bikerê gamêk