Merkezê Xeberan- Dêrsim de seba wendakara Unîversîteya Munzurî Gulîstane Doku ya ke roja yewşemeyî ra nata ci ra xebere nêna girewtene xebatê cigêrayîşî dewam kenê.
Gulîstan Doku (21) ya Amedije ke Unîversîteya Munzurî de Beşê Averşîyayîşê Domanan wanena 4 rojîyo ke ci ra xebere nêna girewtene. Keyeyê Doku o ke Amed ra ame û bi embazê ey semedê cigêrayîşî dezgehanê eleqedaran rê muracat kerdbî.
Dîmenanê kamerayanê mobeseyan de ame tesbîtkerdene ke ke Doku en peynî nêzdîyê Pirdê Dînarî, Awbendê Uzunçayirî de yena vînayene. 4 rojîyo dormeyê golê awbendî û Pirdê Dînarî de cigêrayîşî yenê kerdene. Pîya bi AFAD û Ekîbê Cigêrayîş û Xelisnayîşî yê Munzurî ewro ekîbêka taybetî ê binê awe zî tewrê cigêrayîşî bîyî.