Badê Koyanê Mûnzûrî ke bi temamî sey raşteyê madenî ame îlankerdene, na reye vejîya raşte ke seba cigêrayîşê madenî Parka Mîllî ya Mûnzûrî ke awzem piro herikîyena rê ruxsat dîya fîrmayêk. Avûkat Bariş Yildirim dîyar kerd ke qismêk Parka Mîlî ya Mûnzûrî zî mîyanê cayê ke ruxsat ameyî dayene de yî
Dêrsim bi nebatanê xo yê tewir-tewiran, tewirê endemîkî, cuya kovî, çirre û heme dewlemendanê xo yê rindikan yê xozayî yeno zanayene. Vejîya raşte ke seba 145 cigêrayîşê madenanî ruxsat ameyo dayene. Tay cayêke ruxsat ameyî dayene de Awzêmê Mûnzûrî, Awa Mûnzûrî, Gelîyê Mercan, Sûlavên Çil Derenc, Girê Tulîn, Giren Tepecik-Pulur û qismêk Parka Mîlî ya Mûnzûrî zî estî.
Verfekê Pawitişê Kultur û Mîraseyê Dêrsimî Avûkat Bariş Yildirimî bale ant dayîşê ruxsatî ser û wina va: “Mîyanê sînoranêDêrsimî de seba fîrmayêk 5 hetan ra ruxsatêmadenî yê koma 4. ameyo dayene. Qismêk Parka Mîlî ya Mûnzûrî zî mîyanê cayê ke ruxsat ameyî dayene de yî. Ma dest bi prosesê huqûqîkerd. La qerarê ‘Raporê Ercnayîşê Tesîrê Dorme (ÇED) lazim nîyo’ ame dayene. Gandarê awe do çin bibî. Nebatê herême do zirarêko girdbivînî û ê zî do çin bibî. Wazenê ke herême bêmerdim vera bidî.”