Rêxistina Save the Childrenî (Domanan Bipawê) pare kerd ke tebaxe de bi giranî Rojawan de Sûrîye de 13 domanî ameyî qetilkerdene û 27 domanî zî birîndar bîyî.
Rêxistina Save the Childrenî (Domanan Bipawê) bi eşkerayîyêka nuştekîye da zanayene ke destpêkê tebaxe Qamişlo û Til Rifet de hêrişanê cîyayan de di domanan dinyaya xo bedilnaye û tewr tay 5 domanî zî birîndar bîyî.
Rêxistina Save the Childrenî pare kerd ke 16ê tebaxe de Kobanê de domanêk, 19ê tebaxe de El Bab de 6 domanî û heman roje hêrişê vera merkezê perwerdeyî yê domanan de 4 domanî ameyî qetilkerdene.
Dîrektorê Demkî yê Sûrîye yê Rêxistina Save the Childrenî Beat Rohî ard ziwan ke ganî hêrişê vera domanan vinderê û vat: ''Şerê Sûrîye 12 serrî xo pey de verdayî la rewşa ke domanî têrî yenê heman a.''
Bohrî seba şerî ra pawitişê domanan veng da.