Şaredarîya Îstanbulî (İBB) Îstanbul de semedê kesê ke qayîlê Zazakî bimusê û aver berê bêpere kursê ziwanî akerd.
Hetê Şaredarîya Bajarê Girdî ya Îstanbulî ra ame aşkerekerdiş ke bi organîzatorîya Enstutuya Îstanbulî ÎSMEK, semedê musayîşê Zazakî kurso bêpere ameyo akerdiş.
Semedê kursê Zazakî (Dimilî/Kirmanckî) prosesê qeydbîyayîşî dest pêkerdo. Kesê ke wazenê dersa zazakî bigîrê hem eşkenê ri bi ri hem zî eşkenê bi online derse bigîrê.
Ame zanayîş ke, kursê ri bi ri do peynîya hewteyî qezaya Şîşlî de bêro dayîş. Kurs, do mabênê 8ê Nîsane û 22ê Temuze de bêro dayîş.
Ayê ke Îstanbul de cuyenê û qayîlê Zazakî bimusê yan zî Zazakîya xo aver berê eşkenê keyepelê IBByî ser ra muracatê xo bikê û qeydê xo virazê.