Şêlikê taxanê Xiwêran û Zihurî yê ke hêrişanê DAÎŞî de neçare mendî ke keyeyanê xo biteriknê, agêrenê.
Dima ke cerganê DAÎŞî 20ê çeleyî de hêrişê Zîndanê Sinaa yê Hesekê kerdbi roniştoxê taxanê Xiwêran û Zihurî neçare mendî ke keyeyanê xo biteriknê.
Îdareyê Xoserî cewab da hewcedarîyanê roniştoxanê taxan û dima ke hêzanê asayîşî herême ra DAÎŞ pakî kerd roniştoxanê taxan dest bi agêrayîşî kerd.
Wird taxan de zî bendê kontrolî seba asayîşî virazîyayî. Roniştoxê taxan xîret kenê ke abigêrê cuya xo ya normale.
Taxan de tedbîrê xurtî zî ameyî girewtene.