Şanda HDPê ya bi serokatiya hevseroka partiyê Pervîn Bûldan, ku ev çend roj in li Herêma Kurdistanê ne, îro danê sibê li bajarê Silêmaniyê bi rayedarên YNKê re hevdîtin kirin.
Li gorî agahiyan, şanda HDPê dê piştî nîvro jî bi rayedarên Gorranê re hevdîtin bike.
Şanda HDPê, ku ji hevseroka partiyê Pervîn Bûldan, Osman Baydemîr, Feleknas Ûca, Berdan Ozturk û Îmam Taşcîer pêk hatiye, heta niha bi Serok Mesûd Barzanî, Serokwezîr Nêçîrvan Barzanî û rayedarên partiyên Şûî, Yekgirtû, Zehmetkêşan û Komela Îslamî re hevdîtin kirine.