Lîgê Ewropa yê UEFA de şampîyon taximê Îngîlîstanî Chelsea yo.
Lîgê Ewropa yê UEFA de şampîyon taximê Îngîlîstanî Chelsea yo.
Lîgê Ewropa yê UEFA de şewa bîne mabênê taximanê Îngîlîstanî Chelsea û Arsenalî de maçê fînalî ame karkerdene.
Taximê fitbolî Chelsea maç 4-1 qezenc kerd û kupaya şampîyontî berd keyeyê xo.
Maçê mabênê Chelsea û Arsenalî paytaxtê Azerbaycanî Baku de ame kaykerdene.
Golê Chelsea hetê Emerson, Hazard û Giroud ra amê eştene. Yew gola Arsenalî zî Alex Iwobî eşt. Chelsea heta nika 9 hewe maçê finalî kay kerd û 2 rey kupa qezenc kerd.
Chelsea, serra 2013î de zî Benfîca dir maçê fînalî kay kerdbi û bi skorê 2-1 bibi şampîyonê Ewropa. Chelsea 6 serre ra pey maçê fînalî de taximê Arsenalî 4-1 mexlub kerd û kupaya şampîyontî ya UEFA berd keyeyê xo.