Tirkiye êrişî sivîlan dike
Hevserokê PYD Salih Muslim di bersivdayîna pirsên ajansa Spûtnîkê de ragihand ku artêşa Tirkiyeyê bi operasyonên xwe yên bakurê Sûriyeyê sivîlan hedef digire.
Di êrişa Tirkiye ya bakurê Sûriyeyê de 200 şervanên YPGê nehatine kuştin û ev nerast e. Tenê ji hêzên herêmî 11 kesan jiyana xwe ji dan. Balafirên Tirkiyeyê ji bo piştgiriya rêxistina terorîst a DAIŞê bombe bi ser xelkê herêmê ve barandin, xelk û hêzên herêmî kuştin.
Tirkiye tim êrişî Rojava dike, di van demên dawî de jî êriş dike lê ev daxuyaniya ku 200 şervan hatine kuştin qet ne rast e. Rastiya wê ev e ku Tirkiye êrişî sivîlan dike û wan dikuje.
Em tim piştgiriya peşmerge dikin
Muslim di berdewamiya axaftina xwe de got: "Hêzên Pêşmerge niha ji bo gelê kurd li Mûsilê şer dikin. Ez ji vir slavên xwe ji wan re dişinim. Ew birayê me û zarokê me ne. Em tim li kêleka wan in û dikarin piştgiriya wan bikin.
Bê Hêzên Pêşmerge çawa derbasî Kobanî bûn û alîkariya hêzên YPGê kirin, YPG jî li Şingal, Mûsil, Kerkûk û li temamê Kurdistanê dikare piştevanî û alîkariya wan bike.
Daxwaza me jî ev e ku hemû hêzên kurd li hemberî rêxistina terorîst a DAIŞê bibin yek. Em daime dibêjin bila hemû hêzên kurd di bin fermandariyekê de bibin yek. Divê baregehe hêzên kurd jî hebe. Helbet ev jî bi civîna Kongreya Neteweyî ve girêdayî ye."
bêhtir bixwîne: https://krd.sputniknews.com/rojhilatanavin/201610214427360-Mislim-Em-tim-pistgiriya-Pesmerge-dikin/