Merkezê Xeberan - Şaîr & Nuştox J. Îhsan Espar do roja şemeyî (29.02.2020) saete 13.00 de Buroyê Vateyî yê Dîyarbekirî de kitabanê xo yê neweyan heskerdoxanê Kirdkî rê îmza bikero.
Çend rojî verê cû 2 kitabê şaîr û nûştoxê Kirdkî Îhsan esparî hetê Weşanxaneyê Vateyî ra newe ra ameybî çapkerdene.
Kitabo newe yê bi nameyê Berîyê Birîsimênî de Pêro şîîrê J. Îhsan Esparî yê ke weşanayîyaybî yê neweyan reyde yew kitabî de sey komşîîran ameybî çapkerdene.
Heto bîn ra kitabê Îhsan Esparî “Beyi Sebena” zî hetê weşanxaneyî ra newe ra bi hewa diyîne amebi çapkerdene.
Şaîr û nûştoxê Kurdkî Îhsan Esparo ke destpêkê Grûba Xebate ya Vateyî ra heta ewro xebatanê standardîzasyonê kirdkî (zazakî) de zî ca girewto.
Çend kitabê bînî yê Îhsan Esparî yê ke verê cû amê çapkerdiş wina yê: Rengê Şewe Zerrîya Mi De, Tanî Estanikî û Deyîrê Ma, Beyi Se Bena?, Dilopê Zerrî, Sanikeka Heskerdişî.
Kitabê ke Îhsan Esparî açarnayî: Dêrê Santa Ragnhild De - Hesenê Metê (kurmanckî ra), Robinson Crusoe - Daniel Defeo (swêdkî ra)