Lavrov got piştî vekişîna Amerîkayê ji Sûriyê, divê çek, baregehên leşkerî û van herêman giş bikevin bin kontrola hikûmeta Sûriyê û artêşa Sûriyê û rêvebiriyên herêmî yên Sûriyê. Di heman demê de jî divê li herêmên ku Kurd bi awayekî kevneşopî lê hene, şert û mercên pêwîst divê bêne avakirin.
Lavrovî got em piştgiriyê didin danûstandinên herdu aliyên Kurd û Hikûmeta Sûriyê.
Lavrovî herwiha diyar kir pirsa Kurd li Sûriyê, Iraqê û welatên din, li gor destûrên wan welatan bêne çareserkirin û mafên kêmariyê yên Kurdan divê bi danûstandina nûnerên Kurdan û hikûmetên navendî ve bêne dayîn.
Hêjayî bibîrxistinê ye ku berî çend rojan, nûnerê HSDê yê Moskowê Rşad Bienaf ragihandibû ku Kurdên Sûriyê digel Hikûmata Sûriyê ti danûstandinê nakin û hemû hevdîtin giş hatine sekinandin. Li ser sedema sekinandina danûstandinan de jî Bienaf dabû zanîn ku Kurd ndixwazin li seranserê axa Sûriyê sîstemeke demokratîk were avakirin lê Hikûmeta Sûriyê rijd e li ser sîstema navendî ya beriya şer û pevçûnan.