Hêzanê Rûsya Ukrayna de santralo tewr pîl o nukler ê Ewropa Zaporizhzhya vist dest.
Îdarekarê dewlete yo ke santralî şuxilneno vat: ''Erdê santralî hetê hêzanê çekdaran ê Rûsya ra ame îşxalkerdene. Personelê operasyonî blokanê enerjî kontrol kenê û seba asayîşê kargehî, goreyê vurîyayîşanê teknîkan kenê ke bixebitê.''
Santral Kiev de yo. Verî ke santral kewt destê Rûsya hêrişê hewayî bibî û şewat vejîyabi. Kievî Moskova bi 'terorê nuklerî' sûcdar kerdbi.
Operasyonê leşkerî yê Rûsya yê vera Ukrayna 24ê sibate de dest pêkerdbi. Terefanê şerî pancşeme sînorê Belarusî de pêvînayîş kerdbi. Goreyê selahîyetdaranê Ukrayna pêvînayîş de seba vetişê sivîlan rêxistinîya 'korîdorê merdimîye' ameya nîqaşkerdene.
Serekkomarê Fransa Emmanuel Macronî heman roje Putin û Zelenski de bi telefonî qisey kerd. Macronî vat: ''Oyo tewr xirab rayîr de yo.'' Putinî vat pêvînayîş de ey vato ke 'qerardar' ê ke operasyonî rê dewam bikerê. Goreyê Macronî Putin armanc keno ke pêro Ukrayna bigêro binê kontrolî.