Wezîrê Berevaniya Rûsyayê Sergey Şoygu, îdia kir ku zêdetirî ji sedî 90ê erdnîgariya Sûriyê di bin kontrola hikûmeta Şamê de ye.
Şoygu di hilcivînekê de got: “Rûsyayê alîkariya Sûriyê kir. Ji ber ku dinyayê li dijî terora navdewletî têkoşîn dida. Lê belê dema em çûn wir, tenê ji sedî 12ê erda Sûriyê di bin kontrola hikumetê de bû. Niha jî ew rêje derketiye ser ji sedî 90î zêdetir.”
Hêjayî gotinê ye, Rûsya ji 30ê Îlona 2015an ve li Sûriyê dest bi operasyonên leşkerî kiriye ku hêzên asmanî yên Rûsî piştevaniya rejîma Sûriyê dikin. Rûsya li Sûriyê du baregeh ava kirine ku yek ji wan Baregeha Hmeymim a Asmanî û ya din jî Baregeha Tartusê ya Hêzên Deryavaniyê ye.