Merkezê Xeberan- Na eşkerayîya Rûhanîyî ra dima tay kesî amey tepiştiş.
Serekomarê Îranî Hasan Rûhanîyî derheqê teyaraya Ûkrayna ya ke 8ê çeleyî de hetê artêşa Îranî ra amey pirodayîş de televîzyonêkê Îranî de beyanatêk da û vat: ''Kamê ke na hedîse ra mesul ê do bêrê cezakerdene. Ganî mehkemeyêk bêra ronayîş ke tede dozgerê payeberzî û 12 pisporî bibê."
Sere de Kanada Îngilîztan, Ukrayna, Swêd û Afganîstan ê ke hemwelatîyê înan qezayê teyaraya Ukrayna de merdî Îranî ra waşt ke tehqîqatêko zelal bikero. Serekwezîrê Kanada Justîn Trudeauyî vat: "Ez pê bawer a ke edalet do bêro ca.''
Trudeauyî bale ante 57 hemwelatîyanê Kanada yê ke qeza de wefat kerd û vat: "Ez bawer a ke eke na alozî ya ke wextanê peyênan de vejîyaye meydan nêbiyêne nê Kanadayîjî nika keyeyê xo de niştêne ro."