Serekkomarê Îranî Hasan Rûhanî: Welatê ma nêwazeno welatêk dir şer bikero.
Serekkomarê Îranî Rûhanîyî televîzyonê neteweyî yê Îranî rê qisey kerd. Serekkomarê Îranî Hasan Rûhanîyî va, “Îran nêwazeno vera tu welatêk şer bikero.”
Rûhanîyî wina va, “Kenê ke ma bierzê mîyanê tengayî. Seba ke wa dewletanê binan dir dîyalogê ma nêbo çi deste înan ra yeno kenê. La Amerîka kena nêkena sernêkewena. Îran nêwazeno vera tu welatêk şer bikero. Ma dewletêka xoser ê. Gere heme dinya hurmet nîşanê xoserîya ma bido”
Kendawa Umanî de hêrişê 13'ê Hezîrane yê vera di keştîyan ra dima, îxtîmalê şerê mabênê Îranî û DYA zêde bi. Dewleta Amerîka hêrişê vera keştîyanê petrolî ra dewleta Îranî mesûl vînena. Îran zî sucdarîyan red keno. Wezîrê Pawitişî yê DYA Patrîck Shahananî roja dişeme vatbi: Ma vera tehdîtanê Îranî qerar dayo ke hezar eskeranê bînan bierşawe Rojhilatê Mîyanên.