Mesulê Pêntagonî yo verên û pisporê Rojhilatê Mîyanînî Dr. Michael Rubin vano: Tirkîya asayîşê herême kena xirab. Gere Tirkîya yew santim nêzdîyê Bakur û Rojhilatê Sûriye nêbo.”
Komxebata mîyanneteweyî ya seba terorîstanê DAIŞî ke qezaya Qamişloyî Amûde de ameya organîzekerdiş 3 rojîyo ke dewam kena. Xeylê kesê namdarî komxebate de amê yewca. Komxebat de derheqê kerdenanê DAIŞî û hadrekerdişê belgeyan semînerêk ame dayîş.
Mesulê Pêntagonî yo verên û pisporê Rojhilatê Mîyanînî Dr. Michael Rubin zî seminer de sey qiseykerdox ca girewt. Rubinî îzah kerd ke, dewleta ke tewr zêde hetkarî daya DAIŞî dewleta Tirkîya bi xo ya û va: DAIŞ pê destegê Tirkîya bîyo pîl. Eke destegê dewleta Tirkîya nêbîyênê DAIŞ nêeşkayêne qewetê xo Sûriye û Iraq de hende bikero zêde. Bi hezaran şervanê xerîbî mîyanê DAIŞî de bî. Se ra newayê nê kesan Tirkîya ser ra amê Sûrîye û Iraq. Sûcê Tirkîya pîl o.”
Rubinî dewamê qisêkerdişê xo de wina va “Tirkîya zerar dana huzurê herême. Cayê sey Efrîn hetê Tirkîya ra amê îşkalkerdiş. Nika Efrîn de hal xirab o. Gereke Tirkîya yew santîm nêzîdîyê Bakur û Rojhilatê Sûriye nebo