Teşkîlatê Rojnamegerê Sînornênas (RSF)  aşkere kerd ke, serra 2020 de 50 rojnamegerî ameyê kiştiş. Tewr zêde welatanê ke tede şer esto de rojnamegerî ameyê kiştene.

Teşkîlatê Rojnamegerê Sînornênas (RSF)  raporê xo yê emserî de aşkere kerd ke, mîyanê serra 2020 de 50 rojnamegerî ameyê kiştiş. Rojnamegeran ra, 7 tenî welatê ke mîyanê ci de şer esto de ameyê kiştene.

Raport de vajîya ke, hûmara kişteyan gorê serra 2019î kêm a. Par 53 rojnamegerî ameybî kiştene.

Heto bîn ra Komîteya Pawitişê Rojnamegeran (CPJ) zî aşkere kerd ke, serra 2020î de hûmara rojnamegerê ke hepisxaneyan de yê zêde bîya.

CPJ îfade kerd ke, heta 1ê na aşme tewr kêm 274 rojnamegerî zindanan de yê. Na hûmare gorê par zêde ya. Par 250 rojnamegerî hepsî bîy.