Rojhilatê Kurdistanî de Kongreya Namdaranê Kurdan virazîyena. Her çar parçeyanê Kurdistanî û diaspora ra xeylê hunermend, karsaz, ronşvîr û akademîsyanî do beşdarê kongre bibê.
Bajarê Rojhilatê Kurdistanî Sîne de Kongreya Namdaranê Kurdan (Kurdish Elites Congress) ewro dest pêkena.
Kongreya Namdaranê Kurdan do 2 rojî dewam bikero. Kongre de zanistê muhendîsî, hüner, ziwan, edebiyat û tip ser o bêro vindertiş. Peynî de zî Heyetê Zanistî do namdaranê Kurdan biweçîno. Serekê Heyetê Zanistî Celal Qelaşaxanî va ke, mîyanê 30 heb namdarê Kurdan ra do namdarê Kurdan bêrê weçînayîş.
Kongre de deyîrbaz Mehzer Zaliqîyo ke 40 serrîyo ke hetê rejîmê Îranî ra ameyo qedexekerdiş zî ca gêno.
Başurê Kurdistanî ra edebîyatkar Bextîyar Elî, deyîrbaz Keyhan Kelhor, deyîrbazo Kird Mikail Aslan, Koma kamkar û akrsaz Hamdî Ulukaya zî konge de ca gêno.
Qaso ke vajîya endamê Grûba Xebate ya Vateyî û Kurdolog Malmisanij zî kongre de ca gêno.
Her çar parçeyanê Kurdistanî û diaspora ra xeylê hunermend, karsaz, ronşvîr û akademîsyanî do beşdarê kongre bibê.
Kesê ke Kongreya Namdaranê Kurdan de ca gênê nê yê: Tosinê Reşîd, Kurdistan Mukriyanî, Qutbedîn Sadiqî, Kelîmullah Tevehudî, Eshed Şêxulîslam, Şêx Elî Qeredaxî, Enwer Qeredaxî, Mehsûm Elî Mehsûm, Mehmet Tayfur (Malmîsanij), Necat Ebdullah, Mucteba Şemsîpûr, Ezîz Şarox, Necend Begîxanî, Mihemed Elî Sultanî, Osman Hewramî, Ednan Kerîm, Bextiyar Elî, Şehram Nazirî, Hiseyn Elîzade, Eta Nehayî, Izedîn Mistefa Resûl, Hadî Ziyadînî, Bîjen Zulfeqarneseb, Letîf Helmet, Mezher Xaliqî, Ebdullah Peşêw, Fîlîp Kirînbirûk, Elî Ekber Muradî, Azad Îbrahîm Necar, Joys Bilû, Homer Dizeyî, Koma Kamkar, Perto Kirmaşanî, Bîjen Namdar Zengene, Hamdi Ulukaya, Bêhrûz Xerîbpûr, Kazım Öz, Kiyanûş Rostemî, Siyamend Rehmanî, Emîr Sertîb Nusretullah Muîn Wezîrî, Ehmed Şabat, Mikail Aslan.