Bajarê Xoyî yê Rojhilatê Kurdistanî de, bazirganêko kurd hetê hêzanê Îranî ra ame kiştene.
Keyepelê Înternetî yê Hengawî aşkere kerd ke, ewro serê sibayî hêzê asayîşî yê Îranî bajarê Xoy de otomobîla bazirganêkê kurdî, bi behaneyê baro qaçax bar kerdo, da guleyan ver.
Goro ke vajîya, bazirgano kurd hêriş de ameyo kiştene.
Bazirgano kurd Bêhzad Haşimî 37 serrî bi û babîyê 2 tutan bi.