Merkezê Xeberan- Welatiyêko kurd (Haşim Muradî) o ke bajarê Ciwanro yê Rojhilatê Kurdistanî ra yo û demê protestoyan de hetê hêzanê îstixbaratê Îranî ra amebi tepiştene, merde ame dîyayîş.
Gorê zanayîşan tirmê ê welatiyê kurdî mîyanê çemê dewa Sefîava yê bajarê Ciwanro de amo dîyayîş. Vajîyeno ke Muradî pê îşkence amo qet kerdiş.
Haşim Muradî şarê dewa Binçelî yê bajarê Riwanserî ra bi la bajarê Ciwanro de cuyayêne. 2 tutê ey estbî.
No hîrêyîn hepsîyo ke demê protestoyan de amebi tepiştiş û pê îşkence ame qetl kerdiş.
Protestoyanê payîzê serra 2019î yê Îranî û Rojhilatê Kurdistanî de “en kêmî 1500 kesî” ameybî kiştiş û bi hezaran kesî zî ameybî tepiştiş.
Mîyanê kişte û tepişteyan de xeylê kurdî zî estbî.