Hêzanê rejîmê Îranî nêzdîyê şaristanê Merîwanî yê Rojhelatê Kurdîstanî de hêrişê kolberan kerd. Gorê xebera Kolbernewsî hêzanê Îranî dewa Tete yê şaristanê Merîwanî de kolberî dayî guleyan ver.
Netîceya hêrişî de kolberêk kişîya û kolberêk zî wextê hêrişî de zinarî ra gina waro û merd.
Ame vatiş ke, hêzanê rejîmî dest ronay 500 kolberan ser û dest na malanê înan ser. Dima ra zî sînorê Çaldiranî de hêzanê rejîmê Îranî hêrişê kolberan kerd. Nê hêrişî de zî kolber bi nameyê Ramîn Blixkanlû birîndar bi.