Merkezê Xeberan - Aşma sibate ke semedê elewîyan sey bimbarek yena qebulkerdene eynî wextî de aşma Xizirî ya. Rojeyê Xizirî emser do 11, 12 û 13ê sibate de bêro tepiştene.
Na aşma ke yena manaya rojanê zehmetan ê zimistanî xo dima verdayîşî, loqmayî yenê vilakerdene û cayê bimbarekî yenê zîyaretkedene. Reyna na aşma ke cemî yenê giredayene û qûrbanî yênê vilakerdene roje yeno tepiştene. No rojeyo ke goreyê hereman wextanê cîya cîyayan de yeno tepiştene exlebî rojanê sêşeme, çarşeme û pancşeme yê diyînî yê aşma sibate de yeno tepiştene. Rojeyê Xizirî yo ke nîmê şewe de dest pêkeno û heta şan roje şire ko dewam keno emser do 11, 12 û 13ê sibate de bêro tepiştene.