Merkezê Xeberan - Îdareyê Xoserî yê Rojavayî derheqê vîrusê Korona (Covid-19) de beyanatê da û aşkere kerd ke, 23ê adare ra tepîya qedexeyê vejîyayîşê teberî do bêro ca.
Qerarname hetê Hemserekîya Konseya Rayberdişî ya Rojavayî ra ame dayene.
Qerarname de nê çîyî ameyî îzahkerdiş:
''Semedê tehlûkeyê vîrusê Korona seba pawitişê silametîya şarî, ma pêro herême de wazenê nê tebdîran bîyarê ca:
-Qedexeyê vejîyayîşê teberî pêro herêmanê Rojavayî de serê sibayê 23ê adare de saete 06:00 de dest pêkeno
-Têgêrayîşê mabênê îdareyanê xoseran û sivîlan de û mabênê şaristananê serekeyan de serê sibayî yê 21ê adara 2020î de saete 06:00 de yeno destpêkerdene.
-Pêro restaurantî, bazarî, parkî, klînîkê tibîyî yê taybetî, meydanê şayîyan û xeyma serweşîye do bêrê girewtene.
-Nê qedexeyî ra pêro nêweşxaneyî, merkezê weşîye yê pêroyî û taybetî, rêxistinê mîyanneteweyî, Xaça Sûre, dermanxaneyî, komîteyê pakîye, karkerê pakîye, firinî, dikanî, wesayîtê resnayîşê werdî, tankerê sotemenî qedexe yê.
-Ganî şarê ma nê tebdîran bîyaro ca û muxalefetê vera nînan do rastê tehqîqatê qanûnîyî bêro.