Gorê Firmaya Oxford Economicsî badê ke robotî bikewî kargehan do hûmara betalan zêde biba. Serra 2000î de 1.7 mîlyon kesî robotan ver bêtal mendî. Do serra 2030î de zî robotan ver do hûmara betalî biresa 20 mîlyon kesan.
Gorê Firmaya Oxford Economicsî a ke Îngilistan de ya, do mîyanê 11 serran de raşteyê berardişî de tewr kêm 20 mîlyon kesî betal bimanî. Sewbîna kesê ke betal bimanî do nêeşkî warê xizmetî de zî bixebetî. Gorê Firmaya Oxford Economicsî fîrmayê ke robotan virazenî do bibê sebebê betalî. Fîrma veng da cayanê eleqedaran ke vera betalî de tedbîran bigêrî.
Sewbîna ame vatiş ke kesê ke karanê tewr zehmet û xiraban de xebetîyenî do nê wazîyetî ra zêde tesîr bibî. Çimkî karsazî do herinda karkeran de robotan bixebitnî. Ame vatiş ke, serra 2000î ra heta ewro 1.7 mîlyon kesî seba ke kargehan de robotî xebetîyenî, betal mendî. 400 hezar kesî Ewropa de, 260 hezar kesî Amerîka de û 550 hezar kesî zî Çîn de betal mendî. Gorê vatişan do serra 2030î de êdî robotî karê 14 mîlyon kesan bikerî.