Xano 800 serrî yo ke Harran de yo û hetê Eyyubîyan ra ameyo viraştiş do bi restorasyonî bibo muze. Muze de do bezreyê îsotî bêrê pawitiş.
Restorasyonê xanî ameyo qedîyayîş û do xanî de her hetê dinya ra bezreyê îsotan tede ca bigerê û bêrê pawitiş. Han El-Barûr hetê Eyyubîyan ra ameyo viraştiş û no eser Riha de esero ke hetê Eyubîyan ra ameyo viraştiş û pay ra mendo, esero tena yo.
Îsotê û baharatê tewir-tewirî do tede ca bigerê
Muze de do tena îsotê Riha ney Çîn û Hindîstan ra zî do xeylê baharatî ca bigerê. Xan rayîrê Hîvreşimî ser de ca geno û xeylê wextan raywanan rê mîhmandarî kerdo. Restorasyon do bi goreyê halê xanî yê orjînalî ameyo viraştiş. Baxçeyê xanî de bîrêko 118 metreyî esta la ameya gêrayîş. No bîr zî do bi xebatêk abibo û bêro restorekerdiş.
ARTI GERÇEK / RIHA