Riha û Semsûr de varayîşî ra laser werişt. Pêroyî de 9 kesan dinyaya xo bedilna, 10 kesî zî vîndî yê.
Qezaya Tûtî ya Semsûrî de kesêkî laserî de dinyaya xo bedilna û 4 kesan ra xebere nînan girewtene.
Goreyê zanayînê ke ameyî girewtene konteynira mexdûranê erdlerzî binê laserî de mend û kesê ke dinyaya xo bedilnaye mexdûranê erdlerzî ra yo.
Riha zî varayîşî tesîrê xo ramojna. Keyeyî, cayê karî binê laserî de mendê. Reyna rayîr, pird û tunelî pê awe bîyî de. Seba ke vera lasaran tedbîrî nêameyî girewten şar vera îdarekaran hêrsbîyaye yo. Tunelo ke binê awe de mend, 6 kesî tede mehsûr mendî.
Qezaya Haliliye de çatrayîro ke di aşmî verî Erdoganî akerdişê ci kerd û sey xizmetê girdî ame mojnayene, tîya zî merdimê ke mehsûr mendê est ê.
Reyna qezaya Eyyubiye de zî qatê yewin ê Newêşxaneyê Cigêrayîş û Perwedeyî de unîteyê ciewnîyayîşê giranî binê laserî de mend. Neweşî neweşxaneyanê bînan rê ame sewqkerdene.
Riha de pêroyî de 8 kesî rîyê lazserî ra merdî..