Taxa Semqulu ya qezaya Karakopruyî ya Riha de fistiqêrê 600 serreyî estê. Verênîya qirmê nê fistiqêran qasê 3 metre û nêm a û her yew dare qasê 150 kîlo fistiqan dana, berzîya tay fistiqêran resena 18 metre. Nika Riha de wextê hesadê fistiqêran o.
Berardoxê fistiqan Envr Çobanî îfade kerd ke xebetanê arkeolojî de eşkera bi ke 7 hezar û 500 serrî verê cû zî na taxe de merdimî ciwîyayêne.
Çobanî vat: ''Pîrê ma serra 1688î de surgunê na dewe bîyê. O çax tîya de xeylêk qizbanêrî est bîyê. Eke şima derman nêdê qizbanêran ê zî fistiq nêdanê. Keyeyê mi Xoarasanî ra derman ano tîya. Cîranî zî dima dest pê ramitişê fistiqan kenê. Fistiqêrî tîya ra vila bîyî. Cînsê fistiqanê ma 'ketekoyneli' yo. Nê fistiqî fistiqê tewr bitam ê.''
Çobanî pare kerd ke fistiqî wina lez nêresenî. Çobanî vat: ''Awhewayê tîya wişk o, awe zaf çin a. Ma 320 serran ra nata bi fistiqêran debarê xo kenê.''