Merkezê Xeberan - Odaya Tabîban a Riha hesabê xo yê twitterî ser ra derheqê vîrusê Korona de zanayîş da.
Odaya Tabîban eşkera kerd ke şaristan de hûmara nêweşanê Korona bîya 20 û 3 kesî zî vîrusî ra merdî.
Odaya Tabîban îfade kerd ke 150 kesî zî bi şikê vîrusê Korona nêweşxaneyan de yenê weşkerdene.
Odaya Tabîban a Riha beyanatê xo de îzah kerd ke, Mudirîya Weşîye ya Riha cîdîyetê rewşa janî pare nêkena û naye ra şar zî tedbîr nêgêno û şaristan de hema zî merkezê testî çin o.