Reyhane Abdîya ke 26ê tebaxe de Îstanbul de hetê polîsanê tirkan ra amebî destbendkerdene, pa derguşa xo ya di mengîye tepişîyaye.
Reyhane Abdîya ke Rojawanê Kurdîstanî ra ya, 26ê tebaxe de Îstanbul de amebî destbendkerdene û 29ê tebaxe de bi îdîaya 'endamîya rêxistina terorî' tepişîyaye.
Reyhane pa derguşa xo ya di mengîye erşawîyaye zîndanî. Komeleya Huqûqnasan a Seba Azadîye (OHD) ya Îstanbulî vera tepişîyayîşê Reyhane nêrazîbîyayîşê xo mojna û ard ziwan ke Reyhane bi hawayêkê neqanûnî tepişîyaya.
OHDyî da zanayene ke derheqê îdîaya endamîya rêxistine de delîlêko çin o. OHDyî vat: ''Muwekîla ma wextê nezaretî de şitê ci qesawetî ra pêsîya. Dergûşa ci reyde tepiştişê dadîyêke vera heqanê merdiman o. Goreyê Qanûnê Pawitişê Domanan û Peymana Heqanê Domanan a NYyî mumkîn nîyo ke derguşa dimenge nêeşkena zîndan de bimana.''