Merkezê Xeberan - Virusê Korona Kanûna 2019î de welatê Çînî de vejyabi orte û uca ra vilayê heme dinya bibi. Çîn de qasê 4 hezar tenî nê virusî ra merdbî 3u hema her roje seyan kesî merdêne.
La reya verêne Çîn de mîyanê 24 saetan de viruî ra kesêk nêmerd.
Komîteya Weşîya Netewî ya Çînî bi beyanatêk aşkere kerd ke, mîyanê 24 saetanê peyênan de 32 kesî bi vîrusê Korona kewtî la kesêk nêmerdo.
Komîteya weşîye aşkere kerd ke, heta nika hûmara nêweşan resaya 81 hezar û 740 kesan.
Çîn de se ra 94 nêweşê vîrusê Korona weş bîyê û tena 1 hezar û 562 kesî nêweşxaneyan de mendê.