Rêxistinên alîkariyê yên girêdayî Netewên Yekbûyî, dê alîkariyê bidin koçberên Serê Kaniyê û kampên wan nas bikin.
Hevseroka Buroya Karûbrên Koçberan a Herêma Cizîrê Gulîstan Oso daye zanîn, rêxistinên pêwendîdar bi karûbarên koçberan û girêdayî “NY” ne, dê di demeke nêz de alîkariyê derbasî Kampên “Waşûkanî” û “Serê Kaniyê” yên li Hesekê bikin.
Ev koçber, piştî êrîşa Dewleta Tirk di dawiya sala 2019an de ji cihê xwe koçber bûne û bi sedema Hikûmeta Şamê, “NY” ew nas nedikirin.
Li Bakur û Rojhilatê Sûrî, rêxistinên “NY” bi awayekî fermî destekê didin kampên “Hol û Roj”, lê 4 kampên li Şehbayê hîna jî weke wargehên koçberan ji aliyê wan ve nehatine naskirin.