Rêxistina PÊL a li Qamişlo, dest bi projeya “Kanî” ji bo belgekirina binpêkirina komên çekdar ya destdanîna ser mal û mulkên welatiyên Kurd li bajarê Serê Kaniyê kir.
Rêxistin herwiha dixwaze dokumêntên erd, mal û mulkê welatiyên Kurdî kom bike ji bo ku ji aliyê yasayî ve li dijî kiryarên çekdaran rawestin.
Heta niha dokumêntên 232 malbatên ji Serê Kaniyê hatine qeyidkirin ku çekdaran dest danîne ser mulk û malên wan.
Bajarê Serê Kaniyê tevî bajarê Girê Spî ji Cotmeha sala 2019an ve piştî êrîşa Tirkiyê, di kontrola artêşa Tirkiyê û komên çekdarên Sûrî yên girêdayî Enqerê de ne.