Merkezê Xeberan- Serekomarê Îranî Hesen Ruhanî derheqê kişyayîşê Fermandarê Hêzê Quds, Qasim Sulêymanî de beyanatêk da û va: Îran û ortaxê ci do heyfê kişyayîşê Qasim Sulêymanî bigîrê.
Hesen Ruhanî va: “Bêguman şaê Îranî û şarê bînî ê azad do Amerîka ra heyfê xo bigîrê.”
Xaminêyî: Ma do heyfêko xidar bîgîre
Rayverê dînî yê Îranî Elî Xaminêyî zî kişyayîşê Qasim Sulêymanî ser beyanatêk da da û va: “Ma do heyfêko pîl bigîre.
Xaminêyî seba kişyayîşê General Sulêymanî, Îran de 3 rojî tazîye îlan kerd
Wezaretîya Îranî bi beyanatêk kişyayîşê Qasim Sulêymanî şermezar kerd.
Wazîrê Karanê Teberî yê Îranî Cevad Zarîfî hesabê xo yê twîtterî ser o vat: "Na çalakîyêka terorîste ya mîyanneteweyî ya."
Fermandarê Supaya Quds a Supaya Pasdaran a Îranî, Qasim Sulêymanî û Hetkarê Serekê Heşdî Şeibî, Ebû Mehdî Muhendis 3 Çile de Bexda de hetê Amerîka ra ameybî kiştiş.