Li gor daneyên îstatîstîka 2018an a TUÎKê, kesên bêkar, beramberî sala 2017an 83 hezar zêdetir bûye û gihîştîye 3 milyon û 537 hezar kesî. Rêjeya bêkarîyê jî beramberî sala par, 0.1 zêde bûye û gihîştîye ji %11an.
Sala 2017an rêjeya bêkarîyê wek 10.9 û hejmara bêkaran jî wek 3 milyon 454 hezar kesî hatibû dîyarkirin.
Bo sala 2018an hat eşkerekirin ku beramberî sala 2017an hejmara bêkarên temen 15 an jê mezintir 83 hezar zêde bûye û bûye 3 milyon û 537 hezar kesî. Rêjeya bêkarîyê jî ji % 0.1 zêde bûye û gihîştîye ji %11an.
MÊRDÎN, BATMAN, ŞERNEX, SÊRT...
A balkêş ev e ku li gor daneyên TUÎKê bilindtirîn rêjeya bêkarîyê li bajarên kurdan hatîye dîyarkirin ku ew jî, Mêrdîn, Batmani Şernex û Sêrtê ne.
Li gor vê, bi rêjeya ji % 25an, bajarên ku rêjeya bêkarîyê herî zêde lê ne, Mêrdîn, Batman, Şernex û Sêrtê ne.