Navenda Nûçeyan- Tê xwastin ku mûçe û îmtîyazên dadwer, endamên encumena dadwerîyê û dozgerên giştî jî bên kêmkirin.
Li gorî agahîyên BasNewsê, komîsyona karûbarên parlementoya Kurdistanê, di raporta xwe de ku li ser pirojeqanûna reforman ya hikûmetê amade kirîye, daxwaz kirîye reform dadwer û endamên encumena dadwerîyê herwiha dozgerên giştî jî vegire û mûçe û îmtîyazên wan jî mîna wezîr, wekîl û berpirsên pilebilind yên Kurdistanê were kêmkirin.
Pirojeqanûna reforman, ku ji zêdetirî 20 bendan pêk hatîye û herî zêde li ser nehîştina gendelîyê hatîye amadekirin, çend roj berê gihîşt parlementoya Kurdistanê.
Basnews