Merkezê Xeberan - Serekê baroyanê Tirkîya vera pêşnîyazê qanûnî yê seba vurnayîşê sîstemê baroyan 3 rojan ra nata ver bi Anqara şinê.
Eskîşehîr de dekewtişê Anqara de polîsan serekî vindarnayî. Polîsan nêverda ke endamê Baroyê Anqara şîyê serekanê baroyan vera. Avûkatan pê sloganê ''Pawitiş çin o edalet çin o'' astengîya polîsan protesto kerde.
Mabênê polîsan û serekanê baroyan de minaqeşe û arbede vejîya û polîsan 6 serekê baroyan derb kerdî. Polîsan Serekê Buroyê Dîlokî Bektaş Şarkli derb kerd.
Serekanê baroyan astengîyan ra dima dest pê çalakîya roniştişî kerd. Îdarekar û avûkatanê Baroyê Anqara zî seba paştdayîşê serekan dest pê çalakîya roniştişî kerd.