Rayîrê dewanê Çewlîgî zimistan rîyê vewre ra wisar zî çamure ra girewte yê. Dewijê Xişxişok û Şorika Jore ke wesayîtê înan çamure û lince de cum benê, nêeşkenê xo biresnê merkezê qeza.
Qezaya Kanîreşî ya Çewlîgî de rayîrê dewan pê çamure girewte yê. Hemwelatîyê dewanê Xişxişok û Şorika Jore çamura rayîrî ra nêeşkenê xo biresnê merkezê qeza.
Badê helîyayîşê vewre û varayîşê varanî herra rayîran bîy nerm. Wesayîtî rayîranê çamurînan de xeylêk zehmetîyan ancenê. Wesayîtê ke çamure de cum bîyî hemwelatîyê nêeşkene tira vejê.
Mînîbusa ke şîyêne dewa Xişxişokî çamurê rayîrî de cum bîye. Raywanan pey ra mînîbuse tehnn da û xîretan ra dima mînîbuse mîyanê çamurî ra vete. Reyna semedo ke wesayîtêko ke şîyêne dewa Şorika Jore zereyê çamure û lince de cum bîyî cinîyêka kokime peya şîye dewe.