Serê rayîrê Farqîn-Bismilî de cenazaya Muhammet Berat Kaganaskan û heman roje serê rayîrê qezaya Hezroyî de cenazaya Mehmet Can Çelîk ameyî dîyene. Wird kesî zî bi heman hewayî ameyê kiştene.
Amed de şiwanan serê rayîrê Farqîn-Bismilî de cenazayêke ameye dîyene. Semedo ke cenaza amebî parçekerdene encax otopsî ra dima eşkera bi ke aîdê Muhammet Berat Kaganaslan o ke 20 rojan ra nata vînîbîyaye bi.
Otopsî de eşkera bi ke Kaganaslan pê gulevarnayîşî kişîyayo. Keyeyî dima cenaza Hezro de defin kerde.
Heman roje serê rayîrê qezayanê Farqîn-Hezroyî de cenazayêka bîne dîyaye. Ame parekerdene ke cenaza aîdê Mehmet Can Çelîkî yo. Goreyê îdîayan derheqê Mehmet Can Çelîkî de sey vergumanêkî vînîbîyayîşê Kaganaslanî ser o tehqîqat estbi.