Goreyê raporê TÎHVî xeylê mexdûranê îşkenceyî muracatê înan kerd. Rapor de vajîya ke, şaristananê Bakûrê Kurdîstanî de îşkence zêdîya.
Weqfa Heqanê Merdiman a Tirkîya (TÎHV) 'Raporê Merkezanê Dermankerdişî û Rehabîlîtasyonî yê 2020î' eşkera kerd.
Gorê raporî 2020 de her 10 kesan ra yew kes raştê îşkenceyî ameyo. Gorê raporî 572 kesan îşkence û kerdişê xirabî ra, 2 kesan îşkence û binpaykerdişê heqanê merdiman ra, 31 kesanê ke merdimê ci maruzê îşkenceyî mendî bi waştişê dermankerdişî, rehabîlîtasyon û dokumentan muracatê TÎHVî kerd. Ame tesbîtkerdene ke 12 muracatî teberê welatî ra ame kerdene.
Rapor de ame parekerdene ke muracatan ra se ra 62,5 camêrd, ser a 36,5 cinîyan, se ra 1 LGBTÎ ra, se ra 3,4 domanan ra ame kerdene. Goreyê raporî 562 kesan ra 507 kesî semedê fikrê sîyasî, nasname û çalakîyan ameyî tepiştiş.
Rapor vajîya ke, muracatan ra se ra 24,6î Bakurê Kurdîstanî ra ameyî kerdene. Nînan ra se ra 62,6 kesî raştê îşkenceyî ameyî. Goreyê raporî serra en qije ya mexdûrê îşkenceyî 3 serre ya. Ame tesbîtkerdene ke nê domanî pêro Bakurê Kurdîstanî ra yê û wextê qedexeyê tebervejîyayîşî de maruzê îşkenceyî bîyî.