Kompaniya Lêkolînên Civakî û Rapirsînan a Tirk Avrasya, encamên rapirsîna 21ê Tebaxa 2021ê belav kir.
Serokê Kompaniya Avrasya Kemal Ozkiraz ragihand, li gor rapirsiyê ji %58.7ê beşdaran hibijartineke pêşwext dixwazin, ji 30.8 jî hilbijartinên pêşwext naxwazin û ji %10,5 jî gotine li ser hilbijartinên pêşwext rayeke me nîne.
Li gorî encamên rapirsiyê AKPî, CHP û IYI Partî benda %10 derbas dikin û HDP jî bi %9.8 di bin benda hilbijartinê de dimîne. Herwiha dengên AKPê jî cara yekem dikevin bin rêjeya ji sedî 30 ya hilbijêrên Tirkiyê.
Encamên rapirsîyê wiha ne:
AK Partî: %29.1
CHP: %27.2
IYI Partî:%13.8
HDP: %9.8
MHP: %7.3
DEVA: %4.7
Partiya Pêşerojê (Gelecek): %2.2
Partiya Saadet: %1.6
Partiya Demokrat (DP): %1.1
Partiya Karkerên Tirkiyê (TİP): %1
Partiya Memleket: %0.9
Partiyên din: %1.3
Di rapirsiyê de li ser serokomariyê jî hinek pirs hatine kirin. Ji %54.9ê beşdaran gotine em naxwazin Erdogan careke din bibe serokkomar û %34.2 jî gotine em dixwazin Erdogan careke din bibe serokomar.
Di hevrikiya Erdogan û Şaredarê Stenbolê Ekrem Îmamoglu de dengên Erdogan %40.5 û yên Îmamoglu %59.5 in.
Di hevrikiya Erdogan û Şaredarê Enqerê Mansur Yavaş a serokomariyê de, dengên Erdogan %41.9 û yên Yavaş %58.1 in.
Di hevrikiya Erdogan û Serokê CHPê Kemal Kilicdaroglu de jî dengên Erdogan %45.8 û yên Kilicdaroglu jî %54.2 derketine.
Herwiha di hevrikiya Erdogan û Seroka IYI Partiyê Meral Akşener de jî dengên Erdogan %46 û yên Akşener %54 di rapirsiyê de derketine.