Radyo Dengê Kurdî 2015î de ronîyaye û demêkî kilmî de bî wayîra xeylê goştaran. La radyo 2 serran ra dima ameye padayene.
Radyoya Dengê Kurdî 2015î de Îstanbûl de ameye ronayene û wextîkî kilmî de Marmara de xeylê radyoyî vîyarnayê û bîye wayîra xeylê goşdaran. 2 serran ra dima radyo ameyê padayene. 15ê Temûze ra dima xeylê qanal û radyoyî ameyê padayene û Radyo Dengê Kurdî zî seba ke reklamî kêmî bîyê ameye padayene. Ronayoxanê radyo ra Firat Ronî derheqê radyo de qisey kerdo.
‘Ma do radyoya xo weçînitişî ra dima newe ra akerê’
Firat Ronîyî vato, “xususen mintiqaya Marmarayî de xeylê goşdarê ma estibî. Badê 15ê Temûze xetlê qanal, dezge, komele û radyoyî ameyê padayene. Seba ke reklamê ma bîyê kêmî ma zî sebebanê ekonomîyî ver mecbûr mende ke radyoya xo padê. Ma wazenê mîyanê serrêkî de radyoya xo newe ra akerê. Îxtîmalêko pîl ma do radyoya xo badê weçînitişî ra newe ra akerê.”