Arda Baran Demîro ke erdlerzê Îzmîrî de dinyaya xo bedilnaye qezaya Çemişgezekî ya Dêrsimî de ame definkerdene.
Arda Baran Demîr wextê erdlerzê Îzmîrî de taxa Manavuyu ya qezaya Bayrakli de binê bînaya rijîyaye de mend û şi rehm. Cenazaya Arda Baran Demîrî dewa Sinsoerî ya qezaya Çemişgezekî ya Dêrsimî de ameye definkerdene. Keyeyê Demîrî, temsîlkarê HDPyî yê Dêrsimî û xeylêk hemwelatîyî tewrê merasîmê cenaza bîyî.
Demîr serra 2017î de îmtîhanê TEOGî de 120 persan ra 119ê ci raşt cewab kerdî û Îzmîr de wendakarîya kolejêkî bi bursî qezenç kerde. Arda emser sinifa peyêne ya lîseyî de bi.