Merkezê Xeberan - Şaredarîya Batmanî û şaredarîyê qezayanê Farqîn, Licê, Erxenî û Gêlî yê Amedî ê ke îdareyê Partîya Şaran a Demokratîke (HDP) de bî, înan rê qeyûmî amê tayînkerdene..
Hemşaredarê Êlihî Mehmet Demir û Songule Kormaz, hemşaredara Farqînî Naşîde Toprak, hemşaredarê Gêlî Mustafa Akkul û hemşaredarê Erxenî Ahmet Kaya ameyî zî amê tepiştene. Derheqê hemşaredarê Licê Tarik Mercan de zî qerarê tepişyayîşî esto.
Bînayê şaredarîyan gerîya binê ablûqa û dekewtiş û vejîyayîşê înan rê destûr nêno dayene. Verê Şaredarîya Batmanî de wekîla HDPyî Ayşe Acar Başaran zî tede grubêke vera qeyûmî razînêbîyayîş ramojna. Polîsan grûbe rê mudaxele kerd û hemserekê HDPyî yê bajarî Fatma Ablay û Omer Kulplu zî te en tay 10 kesî berî qereqol.
HDP 31ê adare de weçînayîşê herêmî de 3 bajarê girdî 5 bajarî, 45 qezayî û 12 bajarekî pêro pîya 65 şaredarîye qezenc kerdbî. Bi qeyûmê peyênî 3 bajarê girdî, 2 bajarî, 30 qezayî û 2 nehîyeyan rê qeyûmî amê tayînkerdene.