Qeyûmê Şaredarîya Mêrdînî Mustafa Yamanî 200 personelê Şaredarî kar ra eştî.
Ame zanayîş ke Walîyê Mêrdînî Mustafa Yaman o ke na hewa diyîne bîyo qeyûmê Şaredarîya Mêrdînî çend rojî cuwa ver 150 karkerî û nika zî 50 karkerê bînî kar ra eştî. Bi no qayde humara kesê ke kar ra amê eştene vejîya 200.
Wezaretîya Karanê Zereyî yê Tirkîya 19ê Tebaxe de Şaredarê HDP yê Mêrdînî Ahmet Turk wezîfe ra girewtbî û herinda ey de Walîyê Mêrdînî sey qeyûm tayînê beledîye kerdbi.