Qeyûmê Şaredarîya Yenîşehîrî ya Amedî seba rotişê taxa Fabrîka reya hîrêyîne îhale akerde. Şubeyê Amedî yê TMMOByî pare kerd ke qeyûm seba ke taxe pêşkeşê tay kesan bikero her rayîr a gêreno.
Qeyûmê Şaredarîya Yenîşehîrî ya Amedî seba rotişê taxa Fabrîka reya hîrêyîne îhale akerde. Par zî qeyûm kerdbi ke taxe biroşı la nêrazîbîyayîşan ser o îhale amebî betalkerdene.
Heyetê Koordînasyonê Şaristanî yê Yewîya Odayanê Mîmar û Muhendîsan (TMMOB) ê Amedî derheqê babete de eşkerayîyêke daye. Eşkerayîye de ame vîrvistene ke qeyûmî verê cû di reyî waştbî ke taxe biroşo la nêrazbîyayîşan ser o nêeşka. Eşkerayîye de ame parekerdene ke îlanê îhale de bêusûlîyî zaf ê. Ame vatene ke rixmo ke vaya pêro erazîyan zaf zêdîyaya qeyûmî bedelê taxe nême ra kêmînaya û no zî beno sebebê şikî.
TMMOByî pare kerd ke qeyûm seba ke taxe pêşkeşê tay kesan bikero her rayîr a gêreno û rantgîrî zî biçimvêşanî pêro bêusûlîyan kenê. TMMOByî vat: ''Na kerdana qeyûmî hemwelatîyan mexdûr kena.''