Merkeze Xeberan
Qeyûmo ke Şaredarîya Şaristanê Pîlî ya Wanî ya HDP'yî de ame tayînkerdene, mîyanê mengêk de kasaya şaredarîye kerde veng.
Şaredarîya Şaristanê Pîlî ya Wanî ke ameye destsernayene û herinda hemşaredarê HDP'yî de îdarekarêkê dewlete sey qeyûm ame cakerdene, nêeşkena meaşan bido.
Qeyûm serra 2016 de ame tayînkerdene, mabênê di serran de Şaredarîya Şaristanê Pîlî ya Wanî ke deyndar nêbî, 1.5 mîlyar TL'î deynê ci vejîya.
Kasaya Şaredarî ya Wanî wextêko kilm de ameye vengkerdene. Qeyûm nêeşkeno meaşanê karkeran ê şaredarîye bido. Karkeranê ke Şaredarîye Şaristanê Pîlî ya Wanî de xebitîyenê, da zanayene ke serekanê daîreyan karkeran reyde qisey kerd û vat; "Şima tîya bixebitî yan zî mexebitî ma nêeşkenê meaş bidê şima. Kasaya şaredarîye de pere çin o. Eke şima wazenê, bêpere tîya bixebitê. Eke şima nêwazenê zî şorê keye."