Qeymeqamîya qezaya Madenî kampa gedeyan a ke Şaredarîya Bajarê Girdî ya Amedî seba gedeyan Gola Hazarî de viraşta, bi bahaneyê kemasîyê aye estê û nêameyê temamkerdiş qefilna. Gedeyê ke kampe de bîyî, kampa xo nîme de verday.
Qeymeqamê qezaya Xarpêtî Maden, Tesîsê Kampa Gedeyan a ke Beledîyeya Dîyarbekirî seba gedeyan Gola Hazarî de viraştbî, bi sebebê 3 serrî verî kemasîyê aye ameyê tespîtkerdiş û nê kemasîyî nêameyê temamkerdiş qerar da ke kampe biqefilno.
Qeymeqam 3 serrî verî kerd sebeb û qerarê qefilnayîşê kampe da. Qerarê qeymeqamî ra dima eskerî şîyî kampe û kampa gedeyan qefilna.
Naye ser Beledîyeya Dîyarbekirî derheqê qerarê qeymeqamîya Madenî de beyanatêko nuştekî da û va: Derheqê qefilnayîşê kampe de xebere nêdîyaya ma û heta nikama rê îqazêk nêbîyo.