Qezaya Bismilî ya Amedî de qeraxê Royê Dîcle de cenazeya camêrdêko bi çek ameyo kiştene, ame vînayene.
Qezaya Bismilî ya Amedî de masegirî vizêr saetanê şewe de qeraxê Royê Dîcle de cenazeya camêrdo ke bi çek amebi kiştene dî.
Masegirî xebere dayî polîsan û ekîbê polîsan amê cayê hedîse. Goreyê cigêrayîşanê ewilî ame dîyarkerdene ke no kes bi çek ameyo kiştene. Badê cigêrayîşan ame zanayene ke keso ke kişîyayo namê ey Sidik Genço 38 serrî yo.
Cenazeya Gençî seba otopsî wedarîya Dezgeyê Tibê Edlî (ATK) yê Amedî. Derheqê hedîse de tehqîqat dîya destpêkerdene.